top of page
Vibrant Colors Qoutes
Agradesido na Todopoderoso pa ta manda mensahe nan asina bunita i inspirativo pa mi ya asina ami por kompartí nan ku otro nan.
Kada un di e mensahe nan aki a wòrdu kreá por medio di eksperiensia nan propio.
Kada un tabatin i tin nan balor inmenso den diferente etapa di mi bida. Nan a i ta yuda mi ketubai masha hopi mes den mi ruta, pa mira bida mas positivamente posibel. Pa e motibu aki mi a skohé pa kompartí nan ku bo.
Pasobra, meskos ku nan a yuda ami, nan por yuda abo tambe!
I kiko mas dushi di por wòrdu motivá na nos dushi idioma papiamentu?
Bida por tin hopi reto, pero ta na nos pa realisá ku nos tin den nos man kon sut of kon zür nos ta eksperensiá nos bida.
Portá no ta tur di e mensahe nan aki ta pas na tur momento, pero kada un tin nan momento sí, ku nan lo duna e apoyo i sosten ku nos mester.
Ami ke kurashá bo pa bo tuma esun ku bo mester na e momento nan aki, i keda kòrda semper ku nan tei pa motivá bo na e momento ku bo mes skohé pa aseptá nan den bo kurason.
Lidushka Carolie
Realisá ku bo energia ta algu úniko i balioso, p’esei perkurá pa bo kuid’é i tuma nota ku e no ta pa tur hende ni tur situashon! Kuida bo Energia
Ta nos deber pa krese, pa nos kambia, pa nos evolushoná.
Si nos a keda meskos, nos lo no a logra tur lokual nos a logra kaba, p’esei mes nos mester duna balor nos rais nan.
I wak bèk pa apresiá di unda nos a bin i unda nos ta aworaki!
bottom of page